唔知做得对歌无？

唔知做得对歌无？ 自古以来，客家人就喜欢“对山歌”。这“对”字，有“唱”的意思，似乎还有“打”和“赛”的意思。客家才女梧桐已经在叫阵了，喜欢“对山歌”的就快点来参加吧 。。。好“酷”哦！

an3久唔曾转来坐 ＂时空＂网友又过多． 梧桐偷偷问一句， 唔知做得对歌无？

讲唱山歌涯唔知， 韵又无来声唔美． 四句山歌涯唔晓， 又无学倒尾驳尾．

讲唱山歌涯就无， 喊涯唱歌无奈何 四句山歌涯唔会 又无学倒歌驳歌

又无学倒歌驳歌 自家静静旁边坐 初来乍到唔熟识 man3人教涯唱山歌？

man3人教你唱山歌？ 哥涯教你唱山歌 他朝和你赛一赛 朝朝对歌乐趣多

乐趣多来唱山歌， 歌声传过新加坡． 汝涯同系丰顺客， 几时来去龙鲸河？

龙鲸河里话龙鲸， 妹系河du4喷水鲸， 哥系天上龙下水， 歌儿一对淹北京

歌儿一对淹北京， 阿哥歌艺还mang3精， 满缸唔响半缸响， 半缸水响淹死人

汝话游河就游河， 又看风景又唱歌． 唱得山欢水又笑， 唱得山花开满坡．

唱得山花开满坡， 乐得阿哥笑呵呵， 龙王摆驾自北海， 顺风顺水到鲸河。

继续来吧 。。。。。。。