淡水河斗歌

上一篇 / 下一篇 2008-07-13 19:44:50 拍摄时间：2008-07-13 19:44:50

查看( 353 ) / 评论( 1 ) / 评分( 0 / 0 )

X-Space Video Player

00:00 | 00:00

全选反选取消

淡水河斗歌

词曲 黄有异
演唱黄继日罗朝霞

一、
（男)
淡水河上有条桥，
桥下嘅鲤嫲大大条：
涯拿条钓鞭桥上企，
专等鲤嫲来吃钓。

有只阿妹行过桥，
一摇三摆好风骚。
行到涯身边吾愿走，
涯钓鞭一甩.....
吔............吔吔吔吔.......
哎呀！
正好钩到
正好钩到佢嘅腰！

（白）
讲柬巧就有柬巧，
今罢彩事(运气)真系好！
姜大公钓鱼涯钓人，
涯嘅技术比佢高！
可就系呀，
惹到麻烦就难搞！

二、
(女）
俚只赖子柬撩刁，
有人养（生）来冇人教！
又拈花来又惹草，
见到妹仔仪就撩。

涯嘅老公系迟（杀）猪佬，
手上有把迟猪刀；
介年迟猪大比武，
佢猪刀一捅.....
吔........吔吔吔吔.....
哎呀！
一日迟猪
一日迟猪八十条！

（白）
做人吾好嘴柬器，
动手动脚就会挨刀，
劝仪还系挟滴（快点）走，
涯老公来哩（来到）仪命都冇！
吾知死！
迟猪刀下寻风流！

三、
(男)
哎呀呀!
佢冇系路边嘅闲花草,
佢系高山嘅红辣椒!
(女)
柬细嘅赖子吾学好,
撩撩刁刁得人恼!
(男)
佢冇系路边嘅闲花草,
佢系高山嘅红辣椒!
(女)
天生一只老鼠胆,
山猪也想学食潲,
（男）
佢冇系路边嘅闲花草，
佢系高山嘅红辣椒！
（女）
涯车只大炮吓吓佢，
把佢吓得尿都飚！
（男）
佢系高山嘅红辣椒！
（女）
涯老公有把迟猪刀！
（男）
佢冇系路边嘅闲花草！
（女）
爱命佢就挟滴（快点）逃！
（男）
红辣椒！红辣椒！
(女)
吾走仪连命都冇!
(男)
红辣椒!红辣椒!
今-罢-就-死-啰!!!

(第三段,女的紧迫男的边唱边下)

(此歌在新加坡茶阳（大埔）会馆150周年会庆《博览中心福满楼庆功宴》上演出）